أحمد سعد عن زوجته .. بصالحها بالأكل وناقص أخذ قرض عشان أكلها

وصف الفنان أحمد سعد، من خلال حواره في برنامج 90 دقيقة، الذي يتم عرضه على شاشة قناة المحور، مع الإعلامية بسمة وهبة، بطريقة مضحكة عن المشاكل التي تحدث بينه وبين زوجته علياء بسيوني، وأشار بأن السبب في ذلك هو الجوع.

وقال لازم أكلها دايما، وكمان أخاف تنزل الشارع حد يضحك عليها ويأكلها بسندوتش، عشان أراضيها لازم أديها سندويتش، وبعدها ممكن تتنازل عن أي حاجة، ولكن مش أي حاجة، يعني في مرة قالت ليا عاوزين نأكل من كبدة الفلاح.

وأضاف أحمد سعد قائلا، وساعتها أقول لها سندويتشين قالت لي وجبات، لترد عليه بسمة وهبة وتقول أوفر من اللي بتتصالح بألماظ، ثم قال لها لا طبعا، الألماظ ده بيبقى مرة واحدة، إنما انا لازم أجيب 5 وجبات في اليوم، أجيب ألماظ أحسن.

وتابع كلامه وقال، كنت عايز أخذ قرض من البنك عشان أكلها بالقسط، وقال انه قرر أن يكون حفل زواجهم بعيد عن الصحافة والإعلام، حددنا موعد الحفلة 7 مرات، حصل عكوسات غير عادية، رغم إننا بنحصن نفسنا بالصلاة والأذكار، حجزنا في نصف جوامع وفنادق مصر.

وأيضا أحنا بنتخانق مع بعض، ولما أقولها هاتي المقدم تقولي مليش دعوة، وكلها خناقات مفتعلة بشكل غير عادي، رغم إن الحاجات الكبيرة بتعدي، وآخر ما زهقنا حددت موعد كتب الكتاب مع والدتها من غير ما نعرفها، إن شاء الله أتجوزها بلبس الجيم.

اترك تعليقًا

لن يتم نشر عنوان بريدك الإلكتروني. الحقول الإلزامية مشار إليها بـ *