حسن شاكوش: «أنا غلطت وقاعد في البيت وحالي واقف.. ومحدش بيتعاقب مدى الحياة»

ناشد مغني المهرجانات الشعبية حسن شاكوش نقابة المهن الموسيقية إلى التراجع عن قرارها الصادر بإلغاء تراخيص الغناء الخاصة به.

وقال شاكوش خلال مداخلة هاتفية مع الإعلامي عمرو أديب في برنامج «الحكاية»: «أنا قاعد في البيت وحالى واقف.. قدمت التماس في النقابة.. أنا غلطت ودي أول غلطة.. لكن محدش بيتعاقب مدى الحياة».

وتابع: «اللي بيغلط مش بيحكموا عليه بالسجن مدى الحياة، بيدوله حكم مؤقت أو 5 أو 10 سنين، إنما حكم مدى الحياة، أنا مش شايف إني عامل جريمة، دي كانت مشكلة وغصب عني وطلعت واتأسفت، والناس الطبالين والعازفين أنا معايا في فرقتي طبالين وعازفين، ومعرفش إيه دخلهم في القصة، الطبالين والعازفين هما خدوا الكلام على نفسيهم، رضا البحراوي في مشكلتي خد شهرين وانا اتوقفت مدى الحياة..المفروض انا وهو المشكلة واحدة».

وحول تقديمه أغاني على يوتيوب بدلا من منعه إحياء الحفلات قال شاكوش: «مبعملش أي حاجة لسه وحالي باظ، أنا بحاول أشوف حل عشان أكل عيشي والناس اللي ورايا، وبحترم قرار النقابة رغم إن فيه ناس بتقولي تعالى اشتغل ومش مهم قرار النقابة».

وعن غنائه دون فرقة في حفلاته السابقة وبـ«فلاشة» قال: «مش معنى اني بغني بفلاشة إني مش بعرف أغني، حفلات الساحل ونجوم مصر كلها شغالة بفلاشة والناس بتختار الحفلات بفلاشة لأنها أرخص».

وقال المطرب الشعبى حسن شاكوش انه سوف يواجه خسائر كبيرة نتيجة تعاقدات وعقود لحفلات كثيرة على مدار الشهور المقبلة داخل مصر وخارجها، وهو ما يعرّضه لأزمات وضغوط كبيرة جدًا.

وألغى هاني شاكر نقيب المهن الموسيقية مؤخرا تصاريح المطرب الشعبي حسن شاكوش كما أوقف المطرب رضا البحراوي شهرين وذلك بعد التحقيق معهما على أثر خلافهما المتداول على السوشيال ميديا والذي تناول سب وقذف بعضهما البعض وإيحاءات وعبارات تحط من قدر مستخدميها لم يعتدها الفن المصري.

اترك تعليقًا

لن يتم نشر عنوان بريدك الإلكتروني. الحقول الإلزامية مشار إليها بـ *